⚽ Futbol24UZ — barcha yangiliklar!
«Nijniy Novgorod» bosh murabbiyi Vadim Garanin Pari Ligasi 4-turida Yaroslavlning «Shinnik»iga qarshi kechgan (3:0) ajoyib g’alabadan so’ng o’z fikrlarini bildirdi.
«Raqibni tahlil qildik va o’yinga jiddiy tayyorlandik. Bugun hamma narsa ham biz xohlagandek bo’lmadi! Ba’zida raqibga tashabbusni berib qo’ydik, garchi bunday holatni istamas edik. Lekin muhimi, biz muxlislarni yana ajoyib natija bilan xursand qila oldik! Uch muhim ochko oldik. Turnir jadvalida pastga tushib ketishni istamaymiz. Shubhasiz, yanada yaxlit, ishonchli va salmoqli o’yin namoyish etish uchun yaxshilashimiz kerak bo’lgan jihatlar bor.»
«Bugun sizning boshqaruvingiz ostida jamoa birinchi marta ‘quruq’ o’yin o’tkazdi…» — jurnalistning savoli Garaninni biroz tabassum qildirdi: «Yaramizga tuz sepmang (kuladi)! Biz gol o’tkazib yuborishni istamaymiz. Biz ‘nolga’ o’ynashni xohladik. Bu juda muhim! Avvalgi o’yinlarda o’tkazib yuborgan gollarimiz jamoa strukturasidagi ba’zi kamchiliklarimiz bilan bog’liq edi. Biz barcha vaziyatlarni tahlil qildik va bugun ‘quruq’ g’alaba qozonganimizdan xursandmiz!» — deya «Nijniy Novgorod» klubining rasmiy sayti Garanin so’zlarini keltirmoqda.
«Nijniy Novgorod» jamoasi 12 ochko bilan Birinchi liga turnir jadvalida peshqadamlik qilmoqda, bu sensatsiya! «Shinnik» esa besh ochko bilan 12-o’rinda joylashgan.
