⚽ Futbol24UZ — barcha yangiliklar!
Braziliyaning Maseyo shahrida, «Sentro Sportivo Alagoano» klubining 15 yoshli iqtidorli futbolchisi Mikael Leandro da Silva o‘rtoqlik o‘yini chog‘ida otib o‘ldirildi! «Globo» nashri bu mudhish xabarni ma’lum qildi. Bu voqea butun futbol olamini chuqur qayg’uga soldi!
Nashr ma’lumotlariga ko‘ra, o‘q uzganlar taqiqlangan moddalar savdosi bilan shug‘ullanuvchi guruhlar vakillari ekan. Marhum yosh futbolchidan tashqari, bir qancha insonlar ham jarohatlandi. Fuqarolik politsiyasi xodimlari ushbu shafqatsiz hodisa guvohlaridan zudlik bilan so‘roq olishga kirishdi.
«Globo»da e’lon qilingan futbol klubi bayonotida shunday deyilgan: «Yosh Mikaelning o‘limidan chuqur qayg‘udamiz. Ushbu og‘ir damda uning do‘stlari va oilasiga hamdardlik bildiramiz. Vakolatli organlar bu shafqatsiz jinoyatni tergov qilib, uni fosh etishiga umid qilamiz.» Bu naqadar yurakni ezuvchi xabar!
