Zenit «Botafogo» yarimhimoyachisi Danilo uchun 29 mln yevrolik taklif berdi

«Zenit» Braziliyaning «Botafogo» yarimhimoyachisi Danilo uchun rasmiy taklif bilan chiqdi! Bitim summasi taxminan 29 million yevroni tashkil qilishi mumkin! Bu haqda TV Espírito de Porco xabar bermoqda. Manba xabariga ko’ra, Rossiya klubi taklifi «Botafogo»ni qiziqtirgan, ammo asosiy to’siq futbolchining pozitsiyasidir! Danilo hozircha Rossiyada faoliyatini davom ettirish istagini bildirmadi. Shu bois «Zenit» uni o’tish afzalliklariga ishontirishi kerak. O’yinchiga «Fulxem», «Galatasaroy», «Roma», «Komo», «Atalanta», «Nyukasl», «Palmeyras» klublari qiziqmoqda! Danilo 2025-yil yozidan beri «Botafogo»da o’ynaydi. Bu davrda u barcha turnirlarda 41 uchrashuvda 11 gol urib, yetti golli uzatmaga mualliflik qildi! O’yinchining klub bilan amaldagi shartnomasi 2029-yilning yozigacha. Transfermarkt ma’lumotiga ko’ra, futbolchining bozor qiymati 32 million yevroni tashkil etadi!