Vozinya: Kabo-Verde – Argentina oʻyini edi, Messiga qarshi emas!

Jahon chempionati – 2026 1/16 finalida Argentinadan 2:3 hisobida mag’lubiyatga uchragan Kabo-Verde terma jamoasi darvozaboni Vozinya o’yin haqida o’z fikrlarini bildirdi. Darvozabon jamoaning butun dunyoni o’zi haqida gapirishga majbur qilganini va uchrashuvni juda munosib tarzda o’tkazganini ta’kidladi.

«Biz butun dunyoni Kabo-Verde haqida bilib olishga undadik. Argentinaga qarshi munosib o’yin ko’rsatdik!» — dedi u. «Bu Vozinya va Messi o’rtasidagi emas, balki Kabo-Verde va Argentina terma jamoalari o’rtasidagi haqiqiy bahs edi. Albatta, yakuniy natija hafsalamizni pir qildi, ammo biz baxt va g’ururni his qilishimiz kerak! Bizda ajoyib jamoa va juda sifatli futbolchilar bor,» – deya Vozinyaning so’zlarini «A Bola» keltirdi.

40 yoshli darvozabon yetti seyvni amalga oshirib, o’yinning asosiy qahramonlaridan biriga aylandi. Kabo-Verde Jahon chempionatining final bosqichida ilk bor ishtirok etdi va o’z ishtirokini 1/16 final bosqichida yakunladi. Bu haqiqiy tarixiy voqea! Kabo-Verde bilan kechgan bahsda Messi gol va golli uzatma muallifi bo’ldi, shuningdek, o’yinning eng yaxshi futbolchisi deb topildi.