⚽ Futbol24UZ — barcha yangiliklar!
Hayratlanarli! «Bayern» bosh murabbiyi Vincent Kompani FIFA prezidenti Gianni Infantinoning qizg’in bahslarga sabab bo’lgan tashabbusi haqida o’z fikrini bildirdi. Avvalroq, Infantino turnir daromadlarini (translyatsiya huquqlari, homiylik, chiptalar) alohida tijorat kompaniyasiga ajratib, aksiyalarining 20 foizigacha qismini tashqi investorlarga sotishni taklif qilgandi. FIFA bu tuzilmaning umumiy qiymatini taxminan 20 milliard dollarga baholab, 4,2 milliard dollargacha mablag’ jalb etishni ko’zlagandi. Ammo bu tashabbus juda kuchli rezonansga sabab bo’ldi va nihoyat, Infantino bu g’oyadan voz kechdi.
Vincent Kompani esa bu vaziyatga shunday izoh berdi: «Mening bu borada, albatta, aniq fikrim bor. Biroq, mavsumoldi tayyorgarlik boshlangach, bu mening diqqat markazimda emas. Gazetalar o’qishga vaqtim yo’q. Hozircha bu mening ishim emas. Ammo agar bu haqda bunchalik ko’p gap-so’z va qizg’in munozaralar bo’layotgan bo’lsa, demak, nimadir sodir bo’lyapti. Men shunchaki gapirish uchun gapirishni istamayman. Biror narsa aytishdan oldin, vaziyatni batafsil o’rganib chiqmoqchiman», — deb Kompani so’zlarini «Bayern & Germany» ijtimoiy tarmoqda keltirdi.
