Valensiya hujumchisi Ramazanining uyi o’yin vaqtida talon-taroj qilindi

Sensatsiya! Ispaniyaning «Valensiya» klubi hujumchisi Largie Ramazanining uyi La Liganing 38-turidagi «Barselona»ga qarshi o’yin vaqtida o’g’irlangan! Bu haqda Las Provincias ma’lum qildi. Manba ma’lumotlariga ko’ra, jinoyatchilar uyga deraza orqali kirgan. Eng ajablanarlisi, hududdagi signalizatsiya umuman ishlamagan! Qarangki, 25 yoshli Ramazani Londonga jo’nashga tayyorlanib, hamma narsalarini yig’ib qo’ygan ekan. Bu dahshat! Hujumchi «Valensiya»da Angliyaning «Lids Yunayted» klubidan ijara asosida to’p suradi. Ramazani uyiga qaytgach, bu mudhish xabar haqida bildi. Dastlabki hisob-kitobga ko’ra, naqd pul, zargarlik buyumlari va dizaynerlik kiyimlari bilan birga 100 ming yevrolik qimmatbaho buyumlar o’g’irlangan. Bu haqiqiy falokat!