⚽ Futbol24UZ — barcha yangiliklar!
JFK «Spartak» bosh murabbiyi Vadim Kozlov Winline Rossiya Superkubogining final bahsida «SSKA» ustidan qozonilgan 1:0 hisobidagi g’alaba haqida o’z fikrlarini bildirdi. Bu haqiqiy zafar edi!
– Bu qiziqarli uchrashuv! Maydon markazida yopishqoq o’yin kechdi. Bu zonada ustunlik o’zgarib turdi va asosan, shu o’yin taqdirini hal qildi. Natijadan mamnunmiz! Uchrashuv uslubiga kelsak, hozircha izoh berishdan tiyilaman, ammo natijadan benihoya xursandmiz!
– Bugun tribunlarda, maydon atrofida bo’lgan ajoyib muhitni, fan-shoularni ko’rgansiz. Bu sizga qanday yordam berdi?
– Muhit fantastik edi! Sir emas, kecha o’yindan oldingi mashg’ulotda biz ataylab shovqinli muhitda shug’ullanganmiz. Bu o’yinchilarni jamoatchilik va muxlislar bosimiga moslashtirish uchun edi. Albatta, bu yaxshi ma’noda bosim. Lekin bunday katta stadionlarga, ko’p sonli tomoshabinlar qarshisida o’ynash silliq o’tishi mumkin emas. Bu o’yinchilarni moslashtirish nuqtai nazaridan imkonsiz. Menimcha, futbolchilarimiz tobora yaxshi tayyorlanmoqda. Ayniqsa, Xitoydan qaytgan terma jamoa o’yinchilari, chunki u yerda 20 mingdan ortiq tomoshabin bo’lgan o’yinlarda qatnashishgan – ya’ni jamoaning besh nafar futbolchisi bu bosimga allaqachon tayyor edi!
– Siz Superkubokda g’olib chiqdingiz va o’z uyingizda, prinsipial raqib ustidan g’alaba qozondingiz! Hissiy holatingiz haqida gapirib bering!
– Birinchi navbatda, bu yerda katta mamnuniyat bor! Lekin bizni super-eyforiya qamrab olgani yo’q. Chunki biz yaxshi bilamizki, oldimizga qo’yilgan vazifalarning faqat uchdan bir qismi hal etildi. Bugun dam olamiz, birga bu g’alabani nishonlaymiz, o’zimiz uchun xursand bo’lamiz! Lekin ertadan boshlab navbatdagi kalendar o’yiniga jiddiy tayyorgarlik ko’rishni boshlaymiz. Biz raqiblarimizga o’zimizni bo’shashtirishdek «hashamat»ni bermaymiz! – deya Kozlovning so’zlarini Rossiya Futbol Ittifoqining rasmiy sayti keltirmoqda.
