Ueyn Runi Ronalduning O’zbekiston bilan o’yinini qoyil qoldi

«Manchester Yunayted»ning sobiq yarim himoyachisi, Angliya terma jamoasi azosi Ueyn Runi, Portugaliya hujumchisi Krishtianu Ronalduning JCh-2026 guruh bosqichi 2-turida O’zbekistonga qarshi o’yindagi natijali faoliyatini sharhladi. Portugaliyaliklar raqibni 5:0 hisobida mag’lub etishdi. Ronaldu ikkita gol urib, uchrashuv yakunida o’yinning eng yaxshi futbolchisi unvonini qo’lga kiritgani, bu haqiqiy sensatsiya bo’ldi!

Runi shunday dedi: «Boshqa yulduzli o’yinchilar turnirda qancha gol urayotganini hisobga olsak, 41 yoshda Jahon chempionatida dubl qayd etish — hayratlanarli yutuq! Ronaldu tanqidlarga ko’p uchragan, ammo har safar aynan shunday o’yinlari bilan o’z qadrini isbotlagan. Bu uning faoliyati davomida o’ziga xos imzosiga aylangan. Uning asosiy harakatlantiruvchi kuchi – eng yaxshi bo’lishga intilish, bu istak uni doim kuzatib kelgan. Biror hujumchi ajralib tursa, Ronaldu darhol to’purarlar poygasida yetakchilikka intiladi. Bunday reaksiya uning ruhiga juda mos. Unda ikki jihat uyg’unlashgan: birinchilikka intilishdan kelib chiqqan sog’lom egoizm va jamoa manfaati yo’lida harakat qila olish mahorati. Messi va Ronaldu o’z yoshida shunday yuqori darajadagi futbol namoyish etishyaptiki, bu kishini hayratlantirmasligi mumkin emas!» — deya BBC Runining so’zlarini keltirmoqda.

Futbol bo’yicha 2026-yilgi Jahon chempionati AQSh, Kanada va Meksikada 11-iyundan 19-iyulgacha bo’lib o’tmoqda. Amaldagi jahon chempioni Argentina terma jamoasi hisoblanadi.