⚽ Futbol24UZ — barcha yangiliklar!
«Tottenham Hotspur» bosh murabbiyi Roberto De Zerbi Angliya Premyer Ligasining 35-turida «Aston Villa» ustidan (2:1) qozonilgan g’alaba haqida hayajonli fikrlar bildirdi!
«Biz juda kuchli jamoaga qarshi ajoyib o’yin o’tkazdik! «Aston Villa»da ko’plab sifatli futbolchilar, zo’r murabbiy bor, ammo 60 daqiqa davomida to’p bilan ham, to’psiz ham juda yaxshi harakat qildik. Uotkins va Buendianing harakatlari ishimizni qiyinlashtirdi, shuning uchun gol o’tkazdik. Bu maydondagi yagona xatomiz edi. Futbolchilarimdan juda mamnunman. Ularning bu mavsumda qanchalik qiyinchiliklar ko’rganini bilaman.
Yuqori pressing — bu avvalo psixologiya, keyin esa to’pga egalik qilish. Bo’sh zonalardan foydalanish yoki darvozaga zarba berish kerak bo’lganda juda samarali edik. Men futbol o’ynashni sevaman. Ishim — futbolchilarga yordam berish, qobiliyatlarini ko’rsatishdir.
G’allagher optimal formaga kirganda, biz go’yo maydonda 12 futbolchi bilan o’ynaymiz. U shunchaki ajoyib o’yinchi! Kolo Muani va Matis Tel juda yorqin o’yin o’tkazishdi. Markaziy himoyachilarning to’p bilan va to’psiz harakatlaridan ham nihoyatda mamnunman!» — deya De Zerbining so’zlarini BBC keltirmoqda.
