Tottenham: De Zerbi «Chelsi»ga mag’lubiyatdan so’ng jamoa holati haqida

«Tottenham» bosh murabbiyi Roberto De Zerbi APLning 37-turidagi «Chelsi»ga qarshi o’yin (1:2) haqida o’z fikrlarini bildirib o’tdi. «Afsuski, biz ikki gol o’tkazib yubordik — ulardan biri Fernandesning qariyb 30 metrdan bergan kuchli zarbasi edi. O’sha vaziyatda himoyada ishonchliroq harakat qilish mumkin edi. Ikkinchi gol esa — to’p bizning to’liq nazoratimizda bo’lsa-da, ahmoqona yo’qotish qilib, tezkor qarshi hujumga uchradik.

Ammo ikkala golni o’tkazishdan avval ham bizda gol urish uchun ajoyib imkoniyatlar bor edi! Avval Sanches Teuning zarbasini darvozabon ajoyib tarzda qaytardi, jamoasini qutqardi; keyin ikkinchi bo’limda hujumchi Risharlisonda ham zo’r vaziyat yuzaga kelgandi. Biz hali ham tirikmiz! Jamoada ruh juda yuqori va munosabat to’g’ri. Endi keyingi o’yinga tayyorlanishimiz kerak — bu hal qiluvchi bahs bo’ladi. Men kelganimda vaziyat hamma jabhalarda: futbol, ruhiyat, munosabat, xulq-atvor – juda yomon ahvolda edi. Hozir jamoa yaxshilandi, biz yaxshi futbol ko’rsatmoqdamiz», – deya De Zerbi so’zlarini BBC keltirdi.

«Tottenham» APL turnir jadvalida 17-o’rinni egallab turibdi. «Shporlar» 38 ochko jamg’argan. Ular xavfli zonadan atigi ikki ochko oldinda. Bu g’oyat keskin vaziyat!