Tonali «Tottenhem»ga o’tishga juda yaqin: Tafsilotlar ma’lum!

«Nyukasl» yarim himoyachisi Sandro Tonali «Tottenhem»ga o’tish arafasida! Bu haqiqiy sensatsiya! Insayder Nikolo Skira ma’lumotiga ko’ra, italiyalik futbolchi London klubi bilan 2032-yilning yozigacha shaxsiy shartnoma shartlarini allaqachon kelishib olgan.

Manba xabariga ko’ra, 26 yoshli yarim himoyachiga mavsumiga 12 million yevro maosh taklif qilingan. Biroq, bitim klublar transfer narxida kelisha olsalar, amalga oshadi.

«Tottenhem» muzokaralarni muvaffaqiyatli yakunlashga ishonch bilan qaraydi. Tonali klubini almashtirishga qat’iy va «Manchester Yunayted» hamda «Arsenal»ning qiziqishiga qaramay, aynan «shporlar»ni afzal ko’rmoqda.

Avval «Nyukasl» italiyalik futbolchi uchun dastlabki taklifni rad etgan va yarim himoyachisi uchun taxminan 115 million yevro talab qilmoqda.

Tonali «qarg’alar» safida 2023-yilning yozidan beri to’p surmoqda. U «Milan»dan 60,8 million yevroga kelgan edi. O’tgan mavsumda u 53 o’yin o’tkazib, uchta gol urdi va oltita golli uzatma berdi.