Semshov Braziliya JChga ishonmaydi: Neymar va RPL o‘yinchilari tilga olindi

Rossiya terma jamoasining sobiq futbolchisi Igor Semshov Braziliyaning 2026-yilgi Jahon chempionatidagi istiqbollari haqida fikr bildirdi. «Vatanda ko‘pchilik bu Braziliya jamoasi uzoqqa borishiga ishonmayapti, siz qanday fikrdasiz?» — deya savol berishdi. Va uning javobi qat’iy bo‘ldi: «Men ham ishonmayman! Ular uzoqqa bora olishiga ishonmayman, ammo ularda bitta fenomenal shaxs bor — Karl Anchelotti! U ularni birlashtirib, uchqunni, kurash ruhini yoqishi mumkin!»

Semshov so‘zlarida davom etdi: «Ha, tarkib bo‘yicha ularda yetarlicha yaxshi futbolchilar bor. Mana, aytganimizdek: ularning zaxirasida Angliya chempionatining ikkinchi to‘purari o‘tiribdi, bu ajoyib holat! Bizning [RPL] chempionatimizda o‘ynaydigan ikkita futbolchimiz ham bor. Neymar esa, menimcha, shunchaki ro‘yxatda turish, shou uchun kerak, xolos. Umuman olganda, butun chempionat davomida ham u ularga yordam beradi deb o‘ylamayman. Neymar endi avvalgidek emas, har bir narsaning o‘z vaqti bor,» — dedi Semshov «Match TV» efirida.

Ayni damda Braziliya Marokash bilan JCh-2026 guruh bosqichining 1-tur uchrashuvini o‘tkazmoqda. Yangilik yozilayotgan paytda birinchi bo‘lim davom etmoqda, hisob — 0:0. Ikkinchi turda Braziliya Gaitiga (20-iyun), uchinchi turda Shotlandiyaga (25-iyun) qarshi maydonga tushadi. Oldinda bizni qiziqarli o’yinlar kutmoqda!