Ronaldo JCH-2026 oldidan formasi haqida: o’yinlarimni ko’rmadingizmi?

Portugaliya terma jamoasi hujumchisi Krishtianu Ronaldu jahon chempionati starti oldidan o‘zining jismoniy holati haqidagi savolga shunday javob berdi! «Jismonanmi? Men a’lo darajadaman! So’nggi o’yinlarimni ko’rmadingizmi? O‘ylaymanki, men juda zo’r formadaman!» — Ronalduning bu jo‘shqin so‘zlarini Record nashri keltirdi. Hayratlanarlisi, 41 yoshli hujumchi oltinchi jahon chempionatiga tayyorlanmoqda! O‘tgan mavsumda u Saudiya Arabistonining «Al-Nasr» klubida to‘p surib, chempionatning 30 o‘yinida 28 ta gol urdi. Ajoyib! 10-iyun kuni Nigeriyaga qarshi o‘rtoqlik uchrashuvida (2:1) Ronaldu asosiy tarkibda maydonga tushib, 64 daqiqa to‘p surdi. Portugaliya terma jamoasi turnirni 17-iyun kuni K guruhida DR Kongo bilan o‘yin bilan boshlaydi. Jamoaning raqiblari O‘zbekiston va Kolumbiya bo‘ladi. Portugaliya o‘z tarixida hali biror marta ham jahon chempionligini qo‘lga kiritmagan. Bu safar omad kulib boqarmikan?