Real prezidentligiga nomzod: a’zolarga faqat Peres byulleteni keldi

«Real» klubi prezidentligiga nomzod Enrike Rikelme «Qirollik klubi» rahbari saylovlarining shaffofligini jiddiy shubha ostiga oldi va ularni Venesueladagi kommunistik diktatura bilan qiyosladi! Bu haqiqiy sensatsiya!

«Bizda hatto sotsiolar ro’yxati ham yo’q. Klub a’zolariga esa faqatgina Florentino Peres nomzodi yozilgan byulleten kelibdi! Bu holat tobora Maduro (Venesuela davlat va siyosat arbobi) va Venesuelani eslatmoqda! Hayratlanarli!»

«Men o’zaro hurmat, hamkorlik, muloqot va konstruktiv bahslar zarur deb hisoblayman. Ammo men bu narsalar bo’lmagan, o’zim haddan tashqari muhim rol o’ynayotgan kampaniyaga duch kelmoqdaman. Bizning a’zolarimiz qarama-qarshi takliflar kiritish va ularni muhokama qilish imkoniyatiga loyiqdir!» — Rikelme so’zlarini Cadena Ser keltirdi.

Avvalroq Madridning «Real» klubi prezidentlik saylovlari sanasini e’lon qilgan edi. Saylovlar yakshanba, 7-iyun kuni bo’lib o’tadi. Unda amaldagi prezident Florentino Peres va ispaniyalik tadbirkor Enrike Rikelme ishtirok etadi.