Real Madrid Joao Neves uchun 150 million yevro to’lashga tayyorligi taxmin qilindi

Madridning «Real» klubi PSJ va Portugaliya terma jamoasi yarim himoyachisi Joao Neves uchun naq €150 million taklif qilishi mumkin! Bu haqda «qirollik klubi» yangiliklariga ixtisoslashgan COPE jurnalisti Arahna Rodriges xabar berdi. Ispan gigantining jurnalisti va sodiq muxlisi Pepe Alvares ham shu fikrda. Bu qanday sensatsiya!

Avvalroq, «Real» prezidenti Florentino Peres €150 millionga sotib olinadigan futbolchi yarim himoyachi yoki hujumchi bo’lishini, Angliya chempionatida o’ynamasligini ta’kidlagan edi. Ko’rib turganingizdek, bu shartlar Nevesga juda mos keladi!

O‘tgan mavsumda Neves barcha turnirlarda 38 o‘yinda maydonga tushib, 7 gol va 4 golli uzatmaga mualliflik qildi. Uning klub bilan shartnomasi 2029-yil yozigacha. Transfermarkt ma’lumotiga ko‘ra, futbolchining bozor qiymati allaqachon €140 millionni tashkil etadi. Ha, bu ajoyib raqamlar!