Real Karvaxalning yangi jarohati bo’yicha rasmiy bayonot berdi

Ajablanarli yangilik! Madridning «Real» klubi o’z rasmiy saytida jamoaning 34 yoshli himoyachisi va sardori Daniel Karvaxalning navbatdagi jarohati haqida xabar tarqatdi. «Real»ning tibbiyot xizmati o’tkazgan tekshiruvlardan so’ng, afsuski, Daniel Karvaxalning o’ng oyog’ining beshinchi barmog’i distal falangasida yoriq aniqlandi. «Voqealar rivojini intizorlik bilan kutmoqdamiz,» – deyiladi «qirollik klubi»ning bayonotida. Keling, bir eslaylik: oktyabr oxiridan yanvargacha Karvaxal tizza jarohati tufayli 12 ta o’yinni o’tkazib yuborgandi! Unga qadar ham, sentyabrdan oktyabrgacha bu kuchli himoyachi mushak jarohatidan forig’ bo’lishga uringan edi. Joriy mavsumda Karvaxal barcha musobaqalarda 20 ta uchrashuvda maydonga tushgan, ammo shu bilan birga birorta ham samarali harakatni amalga oshira olmadi. Uning klub bilan shartnomasi 2026-yilning yozigacha mo’ljallangan. Transfermarkt ma’lumotlariga ko’ra, bu himoyachining bozor qiymati 6 million yevroga baholanmoqda.