Peres Mourinoni «Real» bosh murabbiyi etib tayinlamoqchi

Madridning «Real» klubi prezidenti Florentino Peres navbatdagi saylovda g’alaba qozonsa, portugaliyalik mutaxassis Joze Mourinoni bosh murabbiy etib tayinlash qarorini sharxladi. Bu chinakam shov-shuv! «Real» prezidentlik saylovlari 7-iyunda bo’lib o’tadi. Bu lavozimga ikkinchi nomzod – tadbirkor Enrike Rikelme.

«Mourino dunyodagi eng buyuk murabbiylardan biri», — dedi Peres hayajon bilan. «U «Real»dagi faoliyati davomida jamoamiz uchun o’ta muhim rol o’ynagan! Aynan u bizni o’sha mashhur rekord chempionlik unvoniga olib kelgan. U jamoaga yuqori raqobatbardoshlikni singdirdi, bu keyingi yutuqlarimiz uchun hal qiluvchi omil bo’ldi. Mourino va Konate — mening ilk transferlarim!» — AS nashri Peresning so’zlarini keltiradi.

Mourino 2010-2013 yillarda «Real»da ishlagan. Uning boshqaruvida jamoa Ispaniya chempionatini, Kubogini va Superkubogini yutgan. Lekin o’tgan mavsumda «qirollik klubi» birorta ham sovrin ololmagani achinarli!