O’zbekiston terma jamoasi murabbiyi: JCh-2026’da g’alaba qozona olmaymiz

Hayratlanarli bayonot! O’zbekiston terma jamoasi bosh murabbiyi Fabio Kannavaro 2026-yilgi Jahon Chempionati oldidan jamoa kayfiyati haqida so’z ocharkan, o’zbekistonliklarning jahon birinchiligini yuta olmasligini ochiqchasiga ta’kidladi. Bu haqiqiy sensatsiya!

«Futbolchilarimiz jahon chempionatiga borayotganimizni anglashlari va undan zavq olishlari shart! Agar u yerga «g’alaba qozonish kerak» degan bosim bilan borsak, aslo zavqlana olmaymiz. Biz odamlarga nimalarga qodir ekanimizni ko’rsatishimiz lozim! Men o’yinchilarga bosim o’tkazishni istamayman, chunki tashqi bosim shundoq ham yetarli bo’ladi.

Asosiy ish musobaqadan avval qilinadi. Jahon chempionati boshlanganda esa, undan zavqlanish kerak, chunki uni yuta olmasligimizni bilaman. Shuning uchun o’z futbolimizni o’ynashimiz shart. Maydonga chiqib, go’yo oila a’zolarimiz bilan ko’chada futbol o’ynagandek harakat qilishimiz kerak. Faqat shundagina yaxshi natijalar ko’rsatishimiz mumkin», — deya Kannavaroning so’zlarini Championat.Asia keltiradi. Ajoyib, shunday emasmi?