«Oltin To’p» 70-yillik marosimi joyi va vaqti ma’lum bo’ldi

Ajoyib xabar! «Oltin To’p»ning 70-yillik, yubiley marosimi 2026-yil 26-oktabr kuni Londonda bo’lib o’tadi! Bu haqda mukofotning rasmiy sayti ma’lum qildi!

Bu haqiqiy sensatsiya! Tadbir Parijdan ko’chirilib, ilk bor Buyuk Britaniya poytaxtida o’tkaziladi. Bu, 1956-yilda «France Football» jurnali tomonidan ta’sis etilgan sovrinning birinchi laureati, angliyalik Stenli Mettyuz xotirasiga bag’ishlangan.

Tashkilotchilar xabarida shunday deyiladi: «Bundan tashqari, «Oltin To’p»ning 70 yilligini hisobga olsak, futbol tug’ilgan mamlakat markazida eng yaxshi zamonaviy o’yinchilarni taqdirlash juda mantiqiydir.»

Eslatib o’tamiz, 2010-yildan 2015-yilgacha marosim Shveysariyaning Syurix shahrida, u yerda joylashgan Xalqaro futbol federatsiyasi (FIFA) hamkorligida o’tkazilgan. 2019-yildan esa taqdirlash Parijdagi «Shatle» teatrida bo’lib o’tardi.

Qiziq, 2025-yilda mukofotni «PSJ» jamoasining fransiyalik futbolchisi Usmon Dembele qo’lga kiritgan edi.