«Krasnodar» bosh murabbiyi Murad Musayev Rossiya Premyer-ligasi 25-turida Kaliningradning «Baltika» jamoasi bilan kechgan, hisob 2:2 bilan yakunlangan oʻyindan soʻng oʻz fikrlarini bildirdi.
«— O’yinning tarkibiy qismidan rozimisiz?» degan savolga Musayev shunday javob berdi: «O’yin sifati va mazmunidan mamnunman, ammo natijadan — yo’q, afsuski! O’ylaymanki, sizlar bugun juda dinamik futbol ko’rdingiz, ammo, afsuski, bir nechta xato bizga juda qimmatga tushdi. Futbolchilarimning fidoyiligi, jangovar ruhi va o’yin mazmuni bo’yicha birorta ham e’tirozim yo’q! Muxlislarga minnatdorchilik bildirmoqchiman – bugun stadion to’la edi, qo’llab-quvvatlash ajoyib bo’ldi! O’ylaymanki, yorqin oqshom bo’ldi. G’alaba qozona olmadik, afsuski, biroq hali hech narsa yo’qotilgani yo’q. Oldinda beshta tur bor, va biz qo’limizdan kelgan barcha ishni qilamiz,» – dedi Musayev «Match TV» efirida.
Rossiya chempionatining 25-turidan so’ng, «qora-yashillar» 54 ochko to’plab, jadvalda ikkinchi o’rinni egallab turishibdi. Turnir jadvalini esa 55 ochko bilan «Zenit» boshqarmoqda. Kaliningrad klubi esa 45 ochko bilan to’rtinchi pog’onada joylashgan.
⚽ Futbol24UZ — barcha yangiliklar!
