Mirland Daku «Spartak»ga o’tishini «Rubin» rasman e’lon qildi

«Rubin» matbuot xizmati bugun albaniyalik hujumchi Mirland Dakuning Moskva «Spartak»iga o’tganini e’lon qildi! Bu haqiqiy sensatsiya! Butun futbol olami hayratda!

«Rubin» va «Spartak» futbol klublari hujumchi Mirland Dakuning Moskva klubiga transferi bo’yicha kelishuvga erishdilar. Albaniyalik futbolchi o’tgan kuni «Rubin» jamoasi, jamoadoshlari va murabbiylar shtabi bilan samimiy xayrlashib, klubni tark etdi. Daku «Rubin» safiga 2023 yil yozida Xorvatiyaning «Osiyek» klubidan kelib qo’shilgandi. Bizning jamoamizda bu hujumchi 93 ta o’yin o’tkazib, 38 ta gol urishga va 13 ta golli uzatmani amalga oshirishga muvaffaq bo’ldi. Daku tarixiy marraga erishdi va shu davr mobaynida RPLda klubning ikkinchi to’purari bo’ldi, gollar soni bo’yicha u faqat Gyokdeniz Karadenizdan ortda qoldi. Bu ajoyib natija!

«Rubin»dagi yillar davomida Mirland jamoaning yetakchisiga, muxlislarning sevimlisiga va klubning haqiqiy afsonasiga aylandi. «Rubin» futbol klubi Dakuga Qozon jamoasi muvaffaqiyatlariga qo’shgan ulkan hissasi uchun minnatdorchilik bildiradi va unga kelgusi faoliyatida omad tilaydi. «Barcha uchun rahmat, Mirland!» — deyiladi Qozon klubi matbuot xizmati xabarida.