Milan: Yangi bosh murabbiy bilan yashirin uchrashuv — Romano

Kutilmagan xabar! «Milan» rahbariyati italiyalik Massimiliano Allegri iste’fosidan so’ng, klub murabbiyi lavozimiga asosiy nomzod bo’lgan ispaniyalik Andoni Iraola bilan yashirin uchrashuv o’tkazdi! Bu haqda mashhur insayder Fabrizio Romano ma’lum qildi.

«Milan» egasi Jerri Kardinale yangi sport direktori hamda murabbiy qidiruvi bilan band. Ha, Andoni Iraola qariyb ikki hafta avval Londonda o’tgan maxfiy uchrashuvdan so’ng, bu lavozimga aniq nomzodga aylandi! «Milan» uni qo’lga kiritishga intilmoqda; biroq Iraolaning yana ikkita taklifi bor va u yakuniy qaror qabul qilishdan avval barcha variantlarni baholaydi, — deya Romanoning so’zlarini Time2play keltirdi.

Eslatib o’tamiz, jamoaning kelgusi mavsum UEFA Chempionlar Ligasiga chiqa olmagani tufayli «Milan»dan bosh murabbiy Massimiliano Allegri, bosh direktor Jorjio Furlani, texnik direktor Jeffri Monkada va sport direktori Igli Tare ishdan bo’shatilgan edi. Bu jamoa uchun jiddiy sinov bo’ldi!