Mikel Merino 30 yoshida ilk Jahon chempionatini kutmoqda

Angliyaning «Arsenal» klubi va Ispaniya terma jamoasi yarim himoyachisi Mikel Merino o’zi uchun ilk bor bo’ladigan, kelgusi 2026 yilgi Jahon chempionati haqida hayajon bilan gapirdi!

— Bu sizning ilk Jahon chempionatingiz, va u 30 yoshga to’lishingiz bilan bir vaqtga to’g’ri keldi. Shu voqea oldidan qanday fikrdasiz?

— O’ylaymanki, bu g’alati bo’ladi. Bir tomondan, Jahon chempionati debyutidagi kabi hayajonlanasan, qorningda g’alati bir tugunni his qilasan, zero bu naqadar o’zgacha voqea! Har bir bola buni orzu qiladi! Boshqa tomondan, buni 30 yoshingda qilyapsan, bu ko’pchilik futbolchilar Jahon chempionatida debyut qiladigan 19 yoki 20 yoshdagidek emas. Bu hayratlanarli farq!

Shuning uchun ham buni oddiy futbol o’yini sifatida qabul qilish uchun yetarli tajriba va yetuklik bor. Agar bu voqeadan rohatlanmoqchi bo’lsang, xotirjam va erkin bo’lishing shart. Xullas, bu muvozanatni qanday uddalashimni ko’ramiz, — deya Mikel Merinoning so’zlarini FIFA rasmiy sayti keltirdi.