Manuel Medina: Haqiqiy Jahon chempionati Meksikada!

Futbol dunyosida yangi bahs-munozara! TJ Sports nashri jurnalisti, meksikalik Manuel Medina 2026-yilgi Jahon chempionati atmosferasi haqida, AQSH va Meksikadagi muxlislar xatti-harakatlarini qiyoslab, o’z fikrini bildirdi:

«AQSHdan farqli o’laroq, Meksikada haqiqiy erkinlik bor! Bu yerda ko’chalarda raqsga tushish, bog’larda yayrash, hamma joyda uchrashish mumkin. Qo’shma Shtatlarda esa bayram stadion bilan cheklanadi. Kecha muxlislar Mexiko shahridagi eng jonli ko’chalardan biri – Paseo de la Reformani to’sib, soatlab raqsga tushishdi. Bu shunchaki ajoyib manzara! Haqiqiy jahon chempionati — albatta, Meksikada!» — dedi Medina «Chempionat» muxbiri Vladimir Chetverik bilan suhbatda.

Eslatib o’tamiz, 2026-yilgi futbol bo’yicha jahon chempionati AQSH, Kanada va Meksikada 11-iyundan 19-iyulgacha bo’lib o’tadi. Hozirgi jahon chempioni Argentina terma jamoasidir. 2022-yilgi jahon chempionati finalida Argentina milliy jamoasi Fransiyaga qarshi o’ynagan. O’yinning asosiy vaqti 3:3 hisobida yakunlandi, penaltilar seriyasida esa argentinaliklar 4:2 hisobida g’alaba qozondi. Bu chinakam hayratlanarli bahs bo’lgan edi!