Leon Goretzka yangi klub bilan shartnoma kelishdi – Fabrizio Romano

Hayratlanarli yangilik! «Bavariya»ning sobiq yarim himoyachisi Leon Goretzka erkin agent sifatida «Aston Villa»ga o’tishga juda yaqin. Bu haqda insayderlar Fabrizio Romano va Matteo Moretto ma’lum qildi. Romano ma’lumotiga ko’ra, 31 yoshli nemis futbolchisi Birmingem klubi bilan og’zaki kelishuvga erishgan. Goretzka «Aston Villa» bosh murabbiyi Unai Emeri bilan suhbatdan so’ng transferga rozi bo’ldi. Kelasi hafta futbolchi tibbiy ko’rikdan o’tishi, shundan so’ng tomonlar shartnomani rasmiylashtirishi kutilmoqda. Goretzka bu yozda sakkiz yillik faoliyatidan so’ng «Bavariya»ni tark etdi. Myunxen jamoasi safida u 312 ta o’yin, Germaniya terma jamoasi uchun 73 ta uchrashuv o’tkazgan. Avvalroq, «Aston Villa» Joau Palinyo bilan muzokaralar muvaffaqiyatsiz yakunlangach, Goretzka nomzodiga o’tgani haqida xabarlar tarqalgan edi. Palinyo esa «Benfika»ga qaytishga juda yaqin. Bu haqiqiy sensatsiya!