Lamine Yamal: Dahshatli jarohat, mavsum yakunlandi!

«Barselona»ning yorqin qanot hujumchisi Lamine Yamal Ispaniya chempionatining 33-turida «Selta»ga qarshi (1:0) kechgan bahsda jarohat oldi. Afsuski, ispaniyalik vinger tizza osti paylari shikastlanishi tufayli joriy mavsumda «ko’k-anorranglilar»ga boshqa yordam bera olmaydi. Bu haqda Kataloniya klubining matbuot xizmati rasman tasdiqladi. Quvonarlisi shuki, Yamal 2026-yilgi jahon chempionatiga qadar tiklanishga ulgurishi kutilmoqda. «Tibbiy tekshiruvlar asosiy tarkib futbolchisi Lamine Yamalning chap oyog’i tizza osti payi jarohatlanganini tasdiqladi. U, albatta, konservativ davolanishdan o’tadi. Yamal mavsumning qolgan qismini o’tkazib yuboradi, ammo kutilganidek, jahon chempionatida ishtirok eta oladi,» — «ko’k-anorranglilar» xabar qildi.