«Barselona» hujumchisi Lamin Yamalning jarohati haqidagi xabarlar butun futbol olamini larzaga solmoqda! Sport tibbiyoti bo‘yicha ekspert doktor Pedro Luis Ripoll bu vaziyat yuzasidan o‘z fikrlarini bildirdi.
«Afsuski, Lamin Yamal jarohati takrorlanish xavfi 30% ga ega, shuning uchun tiklanish muddatlarida o‘ta ehtiyotkorlik talab etiladi. Agar jarohat muskul qismida bo‘lsa, prognoz ancha ijobiy. Ammo, agar u muskul pay bilan birikkan joyda yoki aynan payning o‘zida joylashgan bo‘lsa, bu vaziyat yanada jiddiyroq bo‘lib, kamida to‘rt-olti haftagacha maydondan chetda qoldirishi mumkin. Takrorlanish xavfini hisobga olsak, uning Jahon chempionati tarkibiga kirishi qiyin ko‘rinmoqda. Maksimal ehtiyotkorlik zarur!» — deya mutaxassisning so‘zlarini Cadena Ser keltirmoqda.
Ushbu yosh vinger Ispaniya chempionatining 33-turidagi «Selta»ga (1:0) qarshi o‘yinda jarohat olgan edi. «Ko‘k-anorranglilar» 23-aprel kuni Yamalning jarohat tufayli mavsumning qolgan qismini o‘tkazib yuborishini, ammo Jahon chempionatiga qadar tiklanishga ulgurishi kerakligini ma’lum qilgan. Bu haqiqiy sinov bo‘ladi!
⚽ Futbol24UZ — barcha yangiliklar!
