Kristal Pelas yarim himoyachisi Uorton: Konferensiyalar ligasi finali — ajoyib his!

«Kristal Pelas» yarim himoyachisi Adam Uorton klubning Konferensiyalar ligasi finaliga chiqqanini hayajon bilan izohladi! «Atmosfera shunchaki aqlbovar qilmas! To’lib toshgan stadion Janubiy London uchun juda muhim ekanini ko’rsatib turibdi. Bu ajoyib tuyg’u, men uni aslo unutmayman! Klubdagi hamma — jamoa, xodimlar, muxlislar — uning omadini chin dildan istaydi. O’tgan yili 120 yillik tarixda ilk sovrinni yutdik, endi muxlislarimizga yana birini taqdim etishga intilyapmiz. Ular uchun bu olam-olam quvonch! Tanangiz jimirlab ketadi, bu aqlbovar qilmas holat!» — deya Uorton so’zlarini TNT Sports keltirdi. Ikki o’yin yakunida «Kristal Pelas» «Shaxtyor»ni 5:2 yutib, Konferensiyalar ligasi finaliga chiqdi! Final 27-may chorshanba kuni Leyptsigdagi «Red Bull Arena»da o’tkaziladi. Ingliz klubining finaldagi raqibi Ispaniyaning «Rayo Valyekano» klubi bo’ldi.