Konstantin Genich: Portugaliya – DR Kongo oʻyinidagi asosiy muammo va Ronaldo

Rossiyalik sharhlovchi Konstantin Genich Portugaliya terma jamoasining DR Kongo bilan oʻyinidagi asosiy muammoni tilga oldi, hujumchi Krishtianu Ronaldu nomini ham eslatib oʻtdi. Bu kutilmagan bahs 1:1 hisobidagi durang bilan yakunlangan edi!

Uning soʻzlariga koʻra: «Menimcha, portugaliyaliklarning muammosi shunda ediki, ular gol urganlaridan so‘ng shunchaki o‘yinni tashlab qo‘yishdi! Bu haqiqiy sensatsiya-ku! Agar ular davom etganlarida, DR Kongoga yana bir nechta gol urishlari aniq edi. 2:0, 3:0 bo‘lganda, hamma ular nega «tejamkor rejimga» o‘tganini tushungan bo‘lardi. Ammo ular negadir buni qilmadi. Bir necha vaziyatda jarima maydonchasiga yetib kelib, xuddi gandboldagidek to‘pni bir-biriga uzatishni boshlab yuborishdi. Krishtianu Ronaldu esa qo‘llarini silkib, to‘pga tegish uchun o‘zi kelayotganini ko‘rdik!» — dedi Genich «Komment.Shou» YouTube-kanalida.

Guruh bosqichi 11-iyundan 27-iyungacha davom etadi. Jamoalar bir-biri bilan aylanma tizimda (har biri uchta uchrashuv) o‘ynaydi. Pley-offga har bir guruhdan eng yaxshi ikkita terma jamoa, shuningdek, uchinchi o‘rinni egallagan eng yaxshi sakkizta jamoa yo‘l oladi.