⚽ Futbol24UZ — barcha yangiliklar!
Ajoyib! Myunxenning «Bavariya» bosh murabbiyi va «Manchester Siti»ning sobiq futbolchisi Vensan Kompani, ustoz Xosep Gvardiolaning joriy mavsum yakunida Angliya klubini tark etish haqidagi sensatsion qaroriga o’z munosabatini bildirdi!
«Gvardiolaning menga ta’siri? Albatta, mening o’z xarakterim va shaxsiyatim bor, ammo men Pepga murabbiy bo’lishimga ishongani uchun cheksiz minnatdorchilik bildirishim shart! Uning ta’siri ulkan bo’ldi. Odamlar ko’pincha taktika va texnika haqida ko’p gapirishadi, ammo yakunda hamma narsa doimo g’alaba qozonish istagi va tinimsiz oldinga intilish bilan bog’liq ekan. Pep bilan ishlash men uchun chinakam tuhfa edi. U bilan o’tkazgan yillar menda murabbiy bo’lishga bo’lgan kuchli intilishni uyg’otdi,» – deya Kompanining ushbu samimiy so’zlarini X ijtimoiy tarmog’idagi «Bayern&Germany» sahifasi keltirmoqda.
Shuni eslatib o’tamizki, 55 yoshli Xosep Gvardiola «Manchester Siti»da o’tkazgan 10 yil ichida klub bilan naq 20 ta sovrinni qo’lga kiritgan edi! Ular orasida Angliya chempionatida oltita g’alaba (2017/2018, 2018/2019, 2020/2021, 2021/2022, 2022/2023, 2023/2024-yilgi mavsumlar), Chempionlar Ligasida g’alaba (2022/2023-yilgi mavsum) va boshqalar bor!
