Kilian Mbappe Iroq bilan oʻyindagi maydon holatidan noroziligini bildirdi

Fransiya terma jamoasi hujumchisi Kilian Mbappe JCh-2026 saralash bosqichining 2-turi doirasida Iroqqa qarshi (3:0) kechgan o’yinning qayta boshlangan paytidagi noroziligining sababini nihoyat tushuntirdi!

«Qayta start paytida nega jahlim chiqqan edi? Vay, biz hujum qilayotgan maydon qismi butunlay suvga botgan edi! Himoyalanayotgan yarmimizni tartibga keltirishga qariyb 20 daqiqa ketdi, ammo hujum tarafimizda deyarli hech narsa qilishmadi. Men shunchaki maydonning ikkala yarmi ham bir xil tayyorlanishini istadim. Lekin bu ularning aybi emas, hech bir yomon narsa yuz bermadi», – deya L’Équipe nashri Mbappening so’zlarini keltiradi.

Eslatib o’tamiz, Fransiya – Iroq o’yini ob-havo sharoiti tufayli to’xtatilgan edi. Uchrashuv qayta boshlanganidan so’ng, fransuzlar 3:0 hisobida ajoyib g’alabani qo’lga kiritdilar, Mbappe esa o’sha o’yinda shukuhli dubl qayd etdi!