Khvicha Chempionlar Ligasi yangi formatida har raundda gol urgan yagona futbolchi!

«PSJ»ning qanot hujumchisi Xvicha Kvaratsxeliya Chempionlar Ligasi yarim finalining «Bavariya»ga qarshi ilk o’yinida (5:4) dubl qayd etdi! Shu tariqa, gruziyalik yulduz 2024-yilda turnir formati o’zgarganidan so’ng, Chempionlar Ligasining har bir raundida gol urgan ilk futbolchiga aylandi! Sensatsiya!

O’tgan mavsumda Kvaratsxeliya Milanlik «Inter»ga qarshi finalda (5:0) gollardan biriga mualliflik qilgan edi. Joriy Chempionlar Ligasi mavsumida hujumchi umumiy bosqichda «Atalanta» (4:0), «Bayer» (7:2) va «Sporting» (1:2) bilan o’yinlarda gol urgan. Pley-offda esa gruziyalik futbolchi «Monako» (umumiy hisobda 5:4), 1/8 finalda «Chelsi» (8:2) hamda 1/4 finalda «Liverpul» (4:0) darvozasini ishg’ol etdi!

Kvaratsxeliya 2025-yil yanvaridan beri Parij klubida o’ynamoqda. U shu vaqt ichida barcha turnirlarda 75 uchrashuv o’tkazib, 26 gol va 17 golli uzatmaga mualliflik qildi! Ajoyib statistika!