Jahon Chempionati 2026: O’yindan so’ng otishmada to’rt kishi yaralandi

Dahshatli xabar! Jahon Chempionati-2026 doirasidagi Norvegiya va Fransiya (1:4) o’yini yakunida, AQSHning Massachusets shtati Foksboro shahridagi «Jillett» stadionida yuzlab odamlar to’plangan joyda otishma yuz berdi. To’rt kishi o’qotar quroldan jarohat oldi!

ABC News xabariga ko’ra, Massachusets politsiya departamenti shunday bayonot berdi: «Juma kuni yarim tungacha otishma haqida xabarlar kelib tushdi. Meyn-strit va Park-strit ko’chalari chorrahasiga yetib kelgan politsiya kamida to’rt nafar jarohatlangan odamni topdi».

Barcha jabrlanganlar shifoxonaga yetkazildi, ularning ahvoli noma’lum. Hibsga olishlar haqida ham ma’lumot yo’q.

Eslatib o’tamiz, Jahon Chempionati-2026 11 iyundan 19 iyulgacha AQSH, Meksika va Kanadada bo’lib o’tmoqda. Amaldagi chempion – Argentina terma jamoasi.