Ajoyib futbol yangiliklari bilan boshlaymiz! «Manchester Siti» bosh murabbiyi Xosep Gvardiola, joriy mavsumda uchta trofeyni qo‘lga kiritish imkoniyati haqida hozircha o‘ylamayotganini ma’lum qildi. Murabbiy o’z jamoasining Angliya Kubogi yarim finalida «Sautgempton» ustidan (2:1) qozongan g‘alabasidan so’ng, jurnalistning ichki trebl haqidagi savoliga javob berdi.
«Trebl? Unga hali juda uzoq! Faqat chempionatning «Aston Villa»ga qarshi yakuniy o‘yinidan oldin imkoniyat bor-yo‘qligini aytishimiz mumkin. Hozir esa uzoq. Eng muhimi, barcha futbolchilar uch kun dam olishi kerak. Men ularga futbol haqida o‘ylamay, shunchaki hordiq chiqarishni aytdim. Keyin mavsum qaytadan boshlanadi – bizni beshta o‘yin va Angliya Kubogi finali kutib turibdi. Menimcha, Premyer-liga deyarli qo‘ldan boy berilgan, biz yana ikkinchi o‘rinda ketyapmiz – nima bo‘lishini ko‘ramiz», – deya Gvardiolaning so‘zlarini BBC keltirdi.
Eslatib o’tamiz, avvalroq «shaharliklar» Angliya Liga Kubogini qo’lga kiritishgan, finalda «Arsenal»ni 2:0 hisobida mag’lub etishgan. «To‘pchilar» bilan Manchester jamoasi APL g‘alabasi uchun kurashmoqda. Hozirda Gvardiola shogirdlari 33 o‘yindan keyin 70 ochko bilan ikkinchi o‘rinda bormoqda. «Kanonirlar» hisobida esa 34 o‘yindan so‘ng 73 ochko mavjud. Shuningdek, «Man Siti» Angliya Kubogi finaliga yo‘l oldi, u yerda hal qiluvchi bahsda «Chelsi» yoki «Lids» bilan to‘qnash keladi. Bu qanday ajoyib final, do’stlar!
⚽ Futbol24UZ — barcha yangiliklar!
