Grizmanning so’nggi Chempionlar Ligasi o’yini: Oblakning alamli izohlari

«Atletiko» darvozaboni Yan Oblak UEFA Chempionlar Ligasining 2025/2026 yilgi mavsumi yarim finali javob uchrashuvida «Arsenal»dan (0:1) uchralgan mag’lubiyat hamda ikki o’yin yakuniga ko’ra turnirdan chiqib ketish haqida chuqur afsusini bildirdi. Bu shunchaki fojea!

«Har doim eng kuchli jamoa g’alaba qozonadi, shubhasiz! Ular yutishdi – tabriklar! Men, albatta, xafa va g’azabdaman, ammo futbol shunaqa shafqatsiz! Ikkinchi bo’limda yaxshiroq o’ynadik. Birinchi bo’limda esa raqibga haddan tashqari hurmat ko’rsatdik. Tanaffusdan so’ng kuchaydik, ammo bu finalga chiqish uchun yetarli bo’lmadi. Bizga omad kulmadi, ranjiganmiz, lekin hayot shu!»

«Grizmann? U o’zgacha futbolchi! Afsuski, uning xayrlashuvi aynan shunday qayg’uli yakun topdi. Unga va jonkuyar muxlislarimizga chuqur hamdardlik bildiramiz. Hamma uni finalda ko’rishni orzu qilgandi, biroq biz u yerga chiqa olmadik. Bu shunchaki achinarli holat!» — Oblakning bu so’zlarini UEFA rasmiy sayti keltirdi.

Eslatib o’tamiz, «Arsenal»ga qarshi bu o’yin Antuan Grizmann uchun «Atletiko» tarkibida Chempionlar Ligasidagi so’nggi, tarixiy uchrashuv bo’ldi. Keyingi mavsumdan u MLSda «Orlando Siti» jamoasi safida harakat qiladi.