⚽ Futbol24UZ — barcha yangiliklar!
Sensatsiya! «Kristal Pelas» bosh murabbiyi Oliver Glasner klubdan ketishi haqida gapirdi. Uning bu qarori futbol olamini hayratda qoldirdi!
«Men ketishimni e’lon qilganimdan so’ng jamoa ruhdan tushganida, o‘z ishimni to‘liq muvaffaqiyatsizlik deb hisoblagan bo‘lar edim. Men har doim yigitlarga takrorlardim: «Siz murabbiy uchun o‘ynamaysiz!» Ular o‘zi uchun, jamoa uchun, jonkuyar muxlislar uchun va, albatta, himoya qilayotgan klub nomi, uning ranglari uchun o‘ynaydi! Agar biz Konferensiyalar Ligasi kubogini qo‘lga kiritsak, bu yerda qoladigan barcha futbolchilar va muxlislarimiz ulkan bonusga ega bo‘lishadi – kelasi mavsumda Yevrokuboklar! Bu ajoyib-ku! Demak, ular maydonda qilayotgan hamma narsani birinchi navbatda o‘zi va klub uchun qiladi, men uchun emas!»
Uning so‘zlari davom etadi: «Finaldagi g‘alaba mukammal Hollywood finali bo‘lar edi! Film yoki kitob o‘qiganingizda, siz har doim baxtli yakunni kutasiz. Bu ikki yildan ortiq sayohatni yana bir sovrin bilan yakunlash, bu «Kristal Pelas» tarixidagi birinchi Yevropa kubogi bo‘lishi — bu shunchaki aqlbovar qilmas edi! Bu naqadar hayratlanarli!» — deya Glasnerning g‘oyatda e’tiborga molik so‘zlarini UYEFAnining rasmiy sayti keltirmoqda.
Shuni ham eslatib o‘tamizki, Konferensiyalar Ligasi final o‘yini 27-may kuni Germaniyaning Leypsig shahridagi «Red Bull Arena» stadionida bo‘lib o‘tadi. Unda «Kristal Pelas» (Angliya) va «Rayo Valyekano» (Ispaniya) jamoalari o‘zaro to‘qnash kelishadi. Bu qanday o‘yin bo’lar ekan!
