Esekiel Barco RPLda o’ziga xos yutuqni takrorladi

Moskva «Spartak» yarim himoyachisi Esekiel Barco Alfa-Bank Rossiya Premer-ligasining «Rodina»ga (3:0) qarshi 1-turidan so’ng, so’nggi 10 yilda ligada faqat uning o’ziga nasib etgan ajoyib yutuqni takrorladi! Opta Sports xabariga ko’ra, bu haqiqiy sensatsiya! Barco RPLning bir o’yinida hujumning so’nggi uchdan biriga 40 dan ortiq aniq uzatma va zarba uchun 7 dan ortiq pas amalga oshirgan ikkinchi futbolchidir. «Rodina»ga qarshi bahsda argentinalikda hujumning so’nggi uchdan biriga 43 ta uzatma va 7 ta zarba uchun pas qayd etildi. Bu yutuqni birinchi bo’lib qo’lga kiritgan Barconing o’zi edi! U o’tgan mavsum «Baltika»ga qarshi o’yinda hujumning so’nggi uchdan biriga 49 ta uzatma va 8 ta zarba uchun pas bergan. Barconing «Spartak» bilan shartnomasi 2027-yil yozida yakuniga yetadi. Transfermarkt ma’lumotiga ko’ra, futbolchining bozor qiymati 16 million yevro. Avvalroq, matbuotda «River Plate» unga qiziqish bildirgani haqida ma’lumot paydo bo’lgan.