Eron terma jamoasi JCH-2026 o’quv bazasini AQShdan Meksikaga ko’chirdi.

Xalqaro futbol federatsiyasi (FIFA) muhim yangilikni tasdiqladi! Eron terma jamoasi 2026 yilgi jahon chempionati uchun o’zining mashg’ulot bazasini AQShdan Meksikaga ko’chirganini e’lon qildi!

Eron dastlab AQShning Arizona shtatidagi Tusonda joylashishi rejalashtirilgan edi. Ammo ular yangi baza sifatida chegara shahri Tixuanani tanlashdi. Bu oqilona qadam! Lagerning ko’chirilishi viza bilan bog’liq murakkabliklarni bartaraf etadi va jamoa «Iran Air» reyslari orqali to’g’ridan-to’g’ri Meksikaga ucha oladi.

Eron terma jamoasi Jahon chempionatining guruh bosqichidagi dastlabki ikki o’yinini Los-Anjelesda o’tkazadi: 15 iyun kuni Yangi Zelandiya bilan, 21 iyun kuni esa Belgiya bilan. So’ngra, 26 iyun kuni Eron Sietlda Misrga qarshi maydonga tushadi.

2026 yilgi jahon chempionati 11 iyundan 19 iyulgacha AQSh, Kanada va Meksikada bo’lib o’tadi. Bu haqiqiy futbol shousi!