⚽ Futbol24UZ — barcha yangiliklar!
Angliya terma jamoasi yarim himoyachisi Entoni Gordon, 2026-yilgi Jahon chempionatining 1/8 final uchrashuvi paytida yuz bergan voqeadan so‘ng Meksika terma jamoasining sobiq murabbiyi Xaver Agirrega nisbatan salbiy tuyg‘u saqlamasligini aytib o’tdi!
5-iyul kuni Mexiko shahrida bo‘lib o‘tgan bu ajoyib uchrashuv angliyaliklar foydasiga 3:2 hisobida yakunlangan edi. O‘yindan so‘ng ijtimoiy tarmoqlarda Agirrening o‘yin davomida Gordonga haqoratli so‘zlar aytgan videosi haqiqiy sensatsiyaga aylandi! Murabbiy o‘sha haqoratli iborani aytganida, kulib yubordi, futbolchi esa bunga tabassum bilan javob qaytardi.
«Bu vaziyat o‘yinning o‘ta keskin muhiti fonida ancha kulgili ko‘rindi! Men yon chiziq bo‘ylab yugurganimda, uning so‘zlarini qandaydir maqtov sifatida qabul qildim. Hech bo‘lmaganda, menga shunday tuyuldi. U yaxshi yigit taassurotini qoldirdi: butun o‘yin davomida u men bilan ham, Jud [Bellingham] bilan ham muloqot qildi. Umumiy keskinlikka qaramay, Jud va men uchun bu yoqimli lahza bo‘ldi – menga juda yoqdi, rosa mazza qildik!» – deya Gordonning hayratlanarli so‘zlarini BBC keltirmoqda.
Meksika terma jamoasining angliyaliklardan uchragan mag‘lubiyatidan so‘ng, 67 yoshli Agirre o‘z lavozimini tark etdi va uning o‘rnini Rafael Markes egalladi. Chorak finalda Angliya terma jamoasi Norvegiya jamoasi bilan to‘qnash keladi.
