Del Pyero Safonov haqida Chempionlar Ligasi finali oldidan

Italiya terma jamoasining sobiq hujumchisi Alessandro Del Pyero «PSJ» darvozaboni Matvey Safonov haqida Chempionlar Ligasi-2025/2026 mavsumi final uchrashuvi oldidan o’z fikrlarini bildirdi. Bu o’yinda Parij jamoasi «Arsenal» bilan to’qnashadi. O’yin Budapeshtdagi «Pushkash Arena» stadionida bo’lib o’tadi. Bosh hakam – germaniyalik Daniel Zibert.

«Matveydan hayratdaman, uning kuchi bor! Bu kurashchi!» — dedi Del Pyero Okko efirida. «Axir u ikkinchi darvozabon edi, Donnarumma soyasida o’tirardi. Ba’zan esa uchinchi ham bo’lgan. Hech kim Safonovdan bunday «portlash»ni kutmagandi. Men uning «PSJ»ning birinchi darvozaboni bo’lishini kutmagandim, sabab zaifligi yoki sifatsizligi emas. U oldinga qadam tashladi, tayyorligini isbotladi. «PSJ»da o’ynash qiyin, ammo Safonov bunga loyiq! U allaqachon hamma narsani isbotladi», — deya Del Pyero ta’kidladi.

Safonov Fransiya chempionati mavsumida 15 marta asosiy tarkibda maydonga tushgan. Joriy mavsumda 27 yoshli darvozabon 26 ta o’yin o’tkazib, 12 tasida gol o’tkazmadi. Safonovning klub bilan shartnomasi 2029 yil yozigacha tuzilgan. Transfermarktga ko’ra, futbolchining bozor qiymati 22 million yevro.