⚽ Futbol24UZ — barcha yangiliklar!
«Barselona» va Braziliya terma jamoasining sobiq futbolchisi Dani Alvesdan hayratlanarli bayonot! U «Sevilya»da o’ynagan payti, kataloniyaliklar klubidagidan ko’ra ko’proq charchaganini ma’lum qildi. «Men «Sevilya»dan «Barselona»ga o’tganimda, meni o’rgatishdi: har kimning o’z mas’uliyat zonasi bor, sen hududingni himoya qilishing va undan chiqmasliging kerak, chunki boshqalar ham o’z ishini bajaradi. Shuning uchun ham men «Sevilya»dagidan ancha kam ish qilardim, ammo natija ajoyib edi! Men hatto terlamasdim ham! Maydondan chiqib, o’ylab qolardim: «Biz bugun umuman futbol o’ynadikmi?» Vaholanki, 5:0 hisobida g’alaba qozonardik!» – bu sensatsion so’zlarni Mundo Deportivo nashri keltirmoqda. Braziliyalik yulduz «Sevilya» sharafini 2003 yildan 2008 yilgacha himoya qilgan. «Blaugranaliklar» tarkibida esa u 2008 yildan 2016 yilgacha, shuningdek, 2021 yil noyabridan 2022 yil iyunigacha o’ynagan.
