«Manchester Yunayted» sardori Bruno Fernandesning fikricha, muxlislar yangi futbolchilarni sotib olishni istaganiga qaramay, klub uchun himoyachi Garri Maguayrni saqlab qolish juda muhim edi.
«U biz uchun ko’p lahzalarda juda qadrli edi va klub tomonidan e’tirofga loyiqdir, chunki u jamoa, kiyinish xonasi uchun juda muhim. Ko’p narsa o’zgaradigan mavsumda, uning tajribasi va obro’siga ega futbolchidan ayrilish qiyin bo’lardi. Muvaffaqiyatli bo’lish uchun nima qilish kerakligini ko’rsatuvchi ba’zi ustunlar bor, ularni saqlab qolish shart!» – deya Fernandesning so’zlarini ESPN keltiradi.
Klub 33 yoshli Maguayr bilan mehnat shartnomasini 2027-yilning yozigacha uzaytirganini 7-aprel, seshanba kuni rasman e’lon qildi.
Kelishuvni qayta imzolash uchun bu himoyachi bir qator yanada foydali takliflarni rad etib, haftalik 190 000 funt sterling maoshini kamaytirishga rozi bo’ldi. Bu qanday fidoyilik!
Keyin, o’z shartnomasini uzaytirishni sharhlar ekan, Maguayr «u dunyoning eng yaxshi o’yinchilaridan biri» ekanligini ta’kidladi.
Futbolchi «Manchester Yunayted» safida 2019-yildan beri to’p surib, 266 ta o’yinda maydonga tushgan, Angliya Liga kubogi va Angliya kubogini qo’lga kiritgan.
⚽ Futbol24UZ — barcha yangiliklar!
