«Bavariya» ustozi Kompani mavsumoldi turdagi o’yinlarni baholadi

Hayratlanarli! «Bavariya» bosh murabbiyi Vensan Kompani Gonkongdagi «Kay Tak sport parki» stadionida «Aston Villa» ustidan 2:1 hisobida qozonilgan o’yindan so’ng, jamoaning mavsumoldi Osiyo turidagi futbolchilarining o’yiniga baho berdi. Oldinroq myunxenliklar Koreyaning «Cheju Yunayted» jamoasini ham 2:1 hisobida mag’lub etishgan edi.

Kompani hayajon bilan shunday dedi: «Rostini aytsam, barcha futbolchilarimiz meni lol qoldirdi! Shunchaki ajoyib! Hali ko’p futbolchilar qaytmagan bir paytda bunday darajadagi o’yinlarga chiqish qanchalik mushkul! Shubhasiz, ba’zi o’yinchilar hali juda yosh, ularning ayrimlari bunday yuqori saviyadagi jamoalarga qarshi hech qachon maydonga tushmagan. Bu chinakam sinov! Masalan, Tim Binder va Maykon Kardosoning himoyadagi jangovar ruhini, qanday kurashganini ko’rsangiz, vazifaning naqadar og’irligi ayon bo’ladi! Yarim himoyada Pavlovich, Bishof va har joyda yordam beradigan Laymer bilan ko’rsatgan energiyamiz ham juda muhim edi. Bu shunchaki kuch! Biz bu futbolchilarni rivojlantirishga juda ko’p vaqt va kuch sarfladik. Bu, futbolchilar bilan bajargan ulkan ishimiz uchun o’ziga xos mukofotdir! Voy-bo’! Men nihoyatda mamnunman!» — Kompanining bu hayajonli so’zlarini «Bayern & Germany» nashri o’zining X ijtimoiy tarmog’ida e’lon qildi.