«Barselona» murabbiyi Flik Rodri transferini yuqori baholadi

«Barselona» bosh murabbiyi Xansi-Diter Flik, nihoyat, «Oltin to’p» sohibi Rodrining jamoaga kelishi haqida hayajonli fikrlarini bildirdi! Bu haqiqiy sensatsiya!

«Albatta, uni qo’lga kiritish biz uchun katta imkoniyat edi,» — dedi Flik. «Shu bois har birimiz bunga 100% ishonch hosil qildik, axir u fantastik futbolchi! Qolaversa, u har bir jamoaga o’zgacha bir ruh bag’ishlaydi. Uni jamoamizga jalb qilish ajoyib bo’ldi, uning hozir shu yerda ekanligi shunchaki zo’r!»

«Menimcha, u, ehtimol, eng yaxshi tayanch yarim himoyachisi! U o’yinni to’liq nazorat qila oladi, himoyada ham jamoaga juda katta yordam beradi. Havo duelida u ajoyib kurashadi, bu biz uchun g’oyat muhim! Va, albatta, u har bir futbolchining saviyasini oshiradi!» — deya Flik so’zlarini «Barca Family News» telegram kanali keltirmoqda.

Eslatib o’tamiz, «Barselona» 18-avgust kuni Rodrining «Manchester Siti»dan transfer qilinganini rasman e’lon qildi. 30 yoshli futbolchi bilan tuzilgan shartnoma 2030-yil 30-iyuniga qadar amal qiladi.