⚽ Futbol24UZ — barcha yangiliklar!
Londonning «Arsenal» klubi yozgi transfer oynasida 27 yoshli yarim himoyachi Martin Edegorni sotishi mumkin. Bu haqiqiy shok xabar! Bu ma’lumotni BBC jurnalisti Sami Mokbel o’zining «X» ijtimoiy tarmog’ida e’lon qildi. Jurnalist «Latte Firm» podkastida shunday dedi: «Hozirda «Arsenal» Edegorni munosib narxga qo’yib yuborishi mumkinligi haqida mish-mishlar yuribdi.» Hayratlanarli!
Edegorning klub bilan amaldagi shartnomasi 2028-yil iyun oyi oxirigacha tuzilgan. O’tgan mavsumda «Arsenal» sardori 36 ta o’yin o’tkazib, bitta gol urdi va sakkizta golli uzatma berdi. Transfermarkt ma’lumotiga ko’ra, futbolchining hozirgi bozor qiymati 65 million yevroni tashkil etadi. Edegor «kanonirlar» safiga 2021-yilda kelib qo’shilgan. Shu vaqt ichida u 234 ta uchrashuvda maydonga tushib, 42 ta gol va 46 ta golli uzatmaga mualliflik qilgan. Bu fantastik natija!
