AQSH terma jamoasi JCHda tarixiy natijaga erishdi. Bunday 96 yil bo’lmagandi!

Ajoyib! AQSH terma jamoasi jahon chempionati guruh bosqichida Paragvayni shiddat bilan mag’lub etdi! ESPN xabariga ko’ra, bu 96 yildan beri uch to’p farqi bilan qo’lga kiritilgan ilk g’alaba – bu haqiqiy sensatsiya! Los-Anjelesdagi «SoFi Stedium»da o’tgan o’yin 4:1 hisobida amerikaliklar foydasiga yakunlandi.

Hayratlanarli tomoni shundaki, 1930-yilda AQSH terma jamoasi Belgiya (3:0) va Paragvayni (3:0) mag’lub etgan edi. Lekin o’shandan beri, 96 yil davomida, milliy jamoa jahon chempionatlarida uch to’p farqi bilan hech qachon g’alaba qozona olmagandi. Qolaversa, kiritilgan to’rtta gol ham AQSH terma jamoasi uchun JCHda bir o’yindagi rekord ko’rsatkich bo’ldi! Mezbonlardan Fo’larin Balogun dubl qayd etdi, shuningdek Jovanni Reyna ham gol urdi. Mehmonlardan Damyan Bobadilya avtogol muallifi bo’ldi. Paragvayning raqib darvozasiga yagona golini esa Maurisio kiritdi.