Aleksandr Ovechkin sevimli futbol sharhlovchisini aytdi

«Vashington Kepitals» kapitani va hujumchisi Aleksandr Ovechkin o’zining eng sevimli sharhlovchisi kim ekanligi haqidagi savolga nihoyat javob berdi! 40 yoshli xokkeychi Vasiliy Utkinni, hozirgi faoliyat yuritayotganlardan esa «Match TV» boshlovchisi Georgiy Cherdansevni tanladi.

«Spartak» va «Zenit» o’ynaganda, siz kimga muxlislik qilasiz?» – savoliga uning javobi hayratlanarli: «Menga farqi yo’q. Shunchaki hisobni tomosha qilishni yoqtiraman».

«Sevimli futbol sharhlovchingiz?» – «Vasiliy Utkin!»

«Hozirgi faoliyat yuritayotganlardan-chi? Genich, Naguchev, Cherdansev, Shnyakinmi?» – «Cherdansev!» – deya, Ovechkin «Fonbet» YouTube-kanalida ishonch bilan tasdiqladi.

Joriy yozda Ovechkin «Vashington» bilan bir yillik shartnoma imzoladi. U muntazam chempionatlardagi gollar soni bo’yicha liga rekordchisi (929 ta)! Pley-offdagi shaybalar (1006 ta) bo’yicha esa, afsonaviy Ueyn Gretskiga (1016 ta) yutqazib, ikkinchi o’rinda bormoqda. Bu haqiqiy dahshatli natija!