⚽ Futbol24UZ — barcha yangiliklar!
Rossiya terma jamoasining sobiq futbolchisi Aleksandr Mostovoy 2026 yilgi Jahon chempionatining ochilish uchrashuvi – Meksika va JAR jamoalari to’qnashuvi oldidan o’z fikrlarini bildirdi.
«Barchaga salom! Mana, nihoyat Jahon chempionati start olmoqda! Ochilish o’yini! Mezbon Meksika va Janubiy Afrika. Qanday ajoyib bahs kutmoqda! Birinchidan, u JCHni boshlab beradi. Bir tomondan oddiydek ko’rinsa, ikkinchi tomondan, vaziyat juda murakkab! Kim qanday o’ynashi, nima bo’lishi noma’lum. Tarixda ilk bor bunday formatda o’tayotgan chempionatda kutilmagan hodisalar juda ko’p bo’ladi – bu haqiqiy sensatsiya!»
«Meksika haqida gapirsak, jamoa – shubhasiz, yaxshi futbolchilar tanloviga ega. Ko’plari Yevropa chempionatlarida to’p surishadi. Ular mezbon ham! Janubiy afrikaliklar esa, albatta, muammolar tug’diradi, chunki ularda qiziqarli, ammo kam tanilgan futbolchilar ko’p. Shuning uchun, menimcha, har ikki jamoada ham qiyinchiliklar bo’ladi. Biroq, katta ehtimol bilan, g’alabani Meksika qo’lga kiritadi!»
«Menimcha, hisob 2:1 bo’ladi yoki durang – 1:1 yoxud 2:2! Mana, natija shunday bo’ladi», — dedi Mostovoy o’zining Telegram-kanalidagi videoda.
Meksika va JAR o’rtasidagi uchrashuv «A» guruhida bo’ladi. Ikkinchi turda Meksika Janubiy Koreya (19-iyun) bilan, uchinchi turda Chexiya (25-iyun) bilan uchrashadi. JAR esa ikkinchi turda Chexiya (18-iyun) bilan, uchinchi turda Janubiy Koreya (25-iyun) bilan bahs olib boradi.
